15:59
འཛམ་གླིང་འདི་ཐོག་གི་སྐྱེ་དངོས་ཡོད་དོ་ཅོག་གི་གྲངས་འབོར་ཐེར་འབུམ་ ༧་༦ ལ་གཞིགས་ན་འགྲོ་བ་མི་ཡི་གྲངས་འབོར་བརྒྱ་ཆ་ནི་ ༠་༠༡ ལས་ཟིན་གྱི་མེད། འོན་ཀྱང་ང་ཚོས་བདག་མེད་ནུ་གསོས་སྲོག་ཆགས་བརྒྱ་ཆ་༨༣ ཙམ་དང་། རྩི་ཤིང་གི་སྐྱེ་ཕུང་བརྒྱ་ཆ་ ༥༠ ཙམ་གཏོར་བརླག་བཏང་ཟིན།
ཁྱེད་ཀྱིས་གོ་ལ་འདི་ཐོག་གི་ཚེ་སྲོག་ཡོངས་ཀྱི་ལྗིད་ཚད་འཇལ་ཚེ། ཐེར་འབུམ་མང་བའི་མིའི་གྲངས་ཀྱི་ལྗིད་ཚད་ནི་ཉུང་ཤས་རེད། རྩི་ཤིང་དང་ས་འབུ་ད་དུང་སྐྱེ་དངོས་ཕྲ་མོ་དག་དང་བསྡུར་ན་གོ་ལ་འདིའི་ཐོག་གི་སྐྱེ་ལྡན་ཡོངས་ཀྱི་གྲངས་འབོར་ནང་མིའི་སྣོན་གྲངས་ནི་ ༠་༠༠༠༡ ཙམ་དུ་ཟད། རོབ་རྩིས་འདི་ནི་ནག་རྫས་སྐམ་པོའི་ལྗིད་ཚད་ཀྱིས་བཅལ་ཡོད། དེས་སྐྱེ་ལྡན་ཡོངས་ཀྱི་དབྱིབས་བཀོད་བསྐྲུན་ཅིང་དེ་ལ་སྐྱེ་ཕུང་ཞེས་ཀྱང་བརྗོད་པ་ཡིན། རྩི་ཤིང་གི་ལྗིད་ཚད་ནི་འགྲོ་བ་མིའི་(ཁྱོན་ཡོངས་ཀྱི)ལྗིད་ཚད་ལས་ཆེ་ཞིང་དེ་ནི་རྩི་ཤིང་ ༧༥༠༠ ཙམ་གྱི་རྒྱབ་ན་མི་ ༡ ཙམ་རེད། དེས་གོ་ལའི་ཁྱོན་གྱི་སྐྱེ་ཕུང་གི་བརྒྱ་ཆ་ ༨༠ ལས་མང་བར་སོན་ཡོད། ཕྲ་སྲིན་དག་གིས་གོ་ལའི་སྐྱེ་ཕུང་གྱི་བརྒྱ་ཆ་ ༡༣ ལ་ཉེ་བར་སོན་ཡོད་པ་དང། ཧམ་བུ། སྐྱུར་རྩི། སྔོ་བམ་དང་ཤ་མོ་བཅས་ཀྱིས་བརྒྱ་ཆ་ ༢ ལོན་ཡོད། དེ་ལྟར་ཡང་འཇིག་རྟེན་གྱི་ཁོར་ཡུག་སྟེང་འགྲོ་བ་མིའི་ཤུགས་རྐྱེན་ནི་ཧ་ལས་པའི་ཆེན་པོ་ཡོད།
སོ་ནམ་ཞིང་ལས་ཀྱིས་ས་གཞི་མང་ཤོས་སྤྱད་ཡོད་པ་དང་། གོ་ལའི་ཁྱོན་གྱི་གནས་ཡུལ་བརྒྱ་ཆ་ ༥༠ ཞིང་སར་བསྒྱུར་ཚར་བ་རེད། སྤྱི་ཡོངས་སུ་གོ་ལའི་སྐམ་ས་བརྒྱ་ཆ་ ༣༨ ཙམ་ཞིང་སས་ཟིན་ཡོད་རུང་། ཞིང་ས་ནི་མུ་མཐུད་ནས་རྒྱ་སྐྱེད་འགྲོ་བཞིན་ཡོད། དེ་ཡང་མིའི་ཟས་ཀྱི་དགོས་མཁོ་སྐོང་ཆེད་ཡར་ཐོན་ཅན་གྱི་རྒྱལ་ཁབ་ཚོའི་ནང་ ༢༠༥༠ ཚུན་ལ་སྐྱེ་མང་རང་བཞིན་གྱི་རིན་ཐང་ཆེན་པོ་ལྡན་པའི་ས་གཞི་ཚུད་པའི་ས་གཞི་ཧེཀ་ཌར་ས་ཡ་ ༡༢༠ ཙམ་ཞིག་ཞིང་སར་འགྱུར་ངེས་པའི་ཚོད་དཔག་བྱེད་ཀྱི་ཡོད། ཤིང་ནགས་གཅོད་འབྲེག་བྱས་པ་ལས་ས་གཞི་འཕྲོ་བརླག་སོང་བ་དེའི་སྟེང་དུ་རྒྱུན་གནས་མི་ཐུབ་པའི་སོ་ནམ་ལས་གཞི་མང་པོས་ལོ་རེར་ས་གཤིན་ཧེཀ་ཌར་ས་ཡ་ ༡༢ ཙམ་བྱེ་སར་འགྱུར་བཞིན་ཡོད།
སྐྱེ་ཕུང་། གཞི་ཁྱོན་བྱེ་བྲག་པ་ཞིག་གི་ནང་དུ་ཡོད་པའི་སྐྱེ་དངོས་ཡོངས་ཀྱི་སྤྱིའི་འབོར་ཚད།
ཧེཀ་ཌར། ས་ཁྱོན་འཇལ་ཚད་མི་ཌར་གྲུ་བཞི་ཆིག་ཁྲིའི་ས་ཁྱོན།
ཁུངས། theguardian
Hashem Al-Ghaili
No comments
Post a Comment