06:14
ང་ཚོའི་གནས་གཞི་ས་དང་བར་སྣང་ནང་ཁྱབ་པའི་གཞའ་ཚན་གྲང་ངར་ཁྲོད་ཀྱི་ཁྱགས་པ་ནས་ང་ཚོའི་གཟུགས་ཕུང་གི་ཕྲ་ཕུང་བར་ཚང་མའི་ནང་་ཆུས་ཁེངས་ཡོད། གཟུགས་པོའི་གྲུབ་ཆའི་ནང་གི་ཆུའི་ཆ་སྙོམས་བརྒྱ་ཆ་ནི་གནས་སྟངས་སོ་སོ་སྟེ་དཔེར་ན་འཁོར་གཡུག། རྒྱགས་ཚད་། ལོ་དེ་བཞིན་ཕོ་མོ་གང་ཡིན་སོགས་ལ་རག་ལུས་ཀྱང་ཆ་སྙོམས་སུ་བྱིས་པ་བརྩའ་སྐབས་བརླན་ཤེར་ཆེ་ཞིང་། བརྒྱ་ཆ་ 75% ཆུ་ཡིན་དུས་ཁོང་ཚོ་ཁྱོན་ཡོངས་ནས་ཉ་དང་ཆ་མཚུངས་རེད། འོན་ཀྱང་ཁོང་ཚོའི་ཁྲུངས་སྐར་དང་པོ་བརྩི་སྐབས་ཁོང་ཚོའི་ཆུའི་གྲུབ་ཆ་བརྒྱ་ཆ་ 65% མར་འབབ་ཀྱི་ཡོད།
དེ་འདྲ་ཡིན་དུས་ཆུས་ང་ཚོའི་གཟུགས་པོའི་ནང་བྱེད་ལས་གང་ཞིག་བྱེད་ཀྱིན་ཡོད་དམ། ང་ཚོོ་བདེ་ཐང་གནས་ཆེད་དོན་དངོས་སུ་ཆུ་ཇི་ཙམ་འཐུང་དགོས་སམ་ཞེས་པའི་དྲ་ིབ་ཁག་ངང་གིས་ཐོན་པ་ཡིན།
ང་ཚོའི་གཟུགས་པོའི་ནང་གི་གཤེར་བུས་རུས་པའི་འཐུད་མཚམས་བར་འཇམ་གཉེན་བཟོ་བ་དང་། ཚ་དྲོད་སྟངས་འཛིན་བྱེད་པ། ཀླད་པ་དང་རྒྱུངས་པར་འཚོ་བཅུད་སྤེལ་བ་བཅས་བྱེད་ཀྱི་ཡོད།
ཆུ་ནི་ང་ཚོའི་ཁྲག་ཙམ་ནང་ལ་ཡོད་པ་མིན་པར་མི་དར་མ་ཞིག་གི་ཀླད་པ་དང་སྙིང་ཡང་བཞི་ཆ་གསུམ་ཆུས་ཁེངས་ཡོད། དེ་ནི་རགས་རྩིས་སུ་ངང་ལ་ཞིག་གི་ནང་གི་བརླན་བཤེར་དང་མང་ཉུང་གི་ཚད་མཉམ་པ་ཡིན། ཀུ་ཤུ་ཞིག་དང་འདྲ་བར་མཆིན་པ་ནི་བརྒྱ་ཆ་83% ཆུ་ཡིན་པ་དང་། མིའི་རུས་པ་སྐམ་པོ་ཡང་སྣང་ཚུལ་ལྟར་དུ་བརྒྱ་ཆ་ 31% ཆུ་ཡིན།
གལ་ཏེ་ང་ཚོ་དེ་འདྲའི་ཆུས་གྲུབ་པ་དང་ཁེངས་ཞིག་ཡིན་ན། ང་ཚོས་ད་དུང་ཆུ་མང་པོ་ཞིག་འཐུང་དགོས་ཀྱི་ཡོད་པ་དེ་གང་ཡིན་ནམ། དོན་དངོས་ལ་ཉིན་རེར་ང་ཚོ་རྔུལ་ཆུ་ཐོན་པ་དང་། གཅིན་པ་འབབ་པ་། ཆབ་ཆེན་གཏོང་བ་ད་དུང་དབུགས་གཏོང་ལེན་སྐབས་བཅས་སུ་གཟུགས་པོ་ནས་ཆུ་ ལི་ཌར་གཉིས་ནས་གསུམ་བར་འཆོར་གྱི་ཡོད།
བྱེེད་ལས་འདི་དག་ནི་ང་ཚོའི་འཚོ་གནས་ལ་གལ་ཆེན་ཡིན་སྟབས། ང་ཚོས་འཆོར་ཞིན་པའི་བརླ་གཤེར་དེ་དག་གི་གུན་གསབ་བྱེད་དགོས་པ་ཡིན། གཟུགས་པོར་ཆུ་ཉུང་བའི་རྐྱེན་ལས་གཟུགས་པོའི་སྤྱི་ཡོངས་ཀྱི་འཕྲོད་བསྟེན་ཐོག་ཤུགས་རྐྱེན་ངན་པ་ཚབས་ཆེན་ཕོག་ངེས་པས་དེ་འདྲའི་དཀའ་ངལ་མི་ཡོང་བའི་ཆེད་ཆུའི་ཚད་ཆ་སྣོམས་སུ་ཉར་འཚག་བྱེད་དགོས་ཀྱི་ཡོད།
ཆུ་ཚད་ཉུང་དུ་ཕྱིན་པར་ཤེས་རྟོགས་བྱུང་སྐབས་ཀླད་སྦུག་འོག་མའི་ཚོར་ཤེས་སྙེ་ལེན་པས་གཅིན་པ་འགོག་བྱེད་ཀྱི་སྐུལ་རྒྱུ་(hormone) སློད་པར་བརྡ་གཏོང་གིན་ཡོད་པ་དང། བརྡ་དེ་མཁལ་མར་འབྱོར་སྐབས་སྐུལ་རྒྱུ་དེས་གཤེར་སྦུག་སྤྲི་རྫས་བསྐྲུན་ཅིང་། དེ་ནི་ཁྲག་གིས་གཟུགས་པོའི་ཕྱོགས་གཞན་ནས་ཆུ་རྔུབ་ནས་ལུས་པོ་འི་ནང་ཆུ་གསོར་གནས་བྱེད་པའི་དམིགས་གསལ་རྒྱུད་ལམ་ཞིག་ཡིན་པ་དང། དེས་གཅིན་པ་ནག་པོ་ཆགས་པར་བྱེད།
ཆུ་ཉུང་དྲགས་པ་ལས་ནུས་པ་དང་ཁམས། པགས་པའི་ཤ་མདོག་དེ་བཞིན་ཁྲག་ཤེད་བཅས་མངོན་གསལ་ཅན་དུ་ཉམས་ཀྱི་ཡོད་པ་མ་ཟད་ཤེས་པའི་བྱེད་ལས་ཀྱང་ཉམས་དམས་སུ་གཏོང་གི་ཡོད། ཆུ་ཉུང་བའི་ཀླད་པས་རྒྱུན་ལྡན་གྱི་ཀླད་པ་བཞིན་ཧུར་ཐག་ངང་བྱེད་ལས་ཡོངས་རྫོགས་བྱེད་པ་དང་། ཆུ་ཉུང་དྲགས་པའི་རྐྱེན་ལས་ཀླད་པ་དེ་གནས་སྐབས་ངང་འཁུམ་འགྲོ་བ་ཡིན།
རྒྱུན་དུ་གཟུགས་པོའི་ནང་བརླན་གཤེར་ཉུང་དྲགས་པའི་གནས་སྟངས་ནི་དུས་ཐུང་ཐུང་ཞིག་ནང་ལ་གཟུགས་པོས་ཆུ་སྤྱོད་རྒྱུ་མང་དྲགས་པའི་སྐབས་བྱུང་གྱི་ཡོད། གཟུགས་པོའི་གནས་སྟངས་རྫ་དྲག་པོ་ཞིག་གི་སྐབས་ཆུར་སྟངས་འཛིན་བྱེད་རྒྱུར་བཀའ་རྙོག་ཅན་དུ་འགྱུར་བས་རྩལ་འགྲན་པ་ཚོ་ནི་ཡང་ཡང་ཆུ་ཉུང་དྲགས་པའི་གནོད་འཚེ་ཕོག་ཡུལ་ཞིག་ཆགས་ཀྱི་ཡོད།
ཆུ་ཞན་པའི་ཀླད་པས་གཅིན་པ་བཀག་བྱེད་ཀྱི་སྐུལ་རྒྱུ་ཁྲག་ནང་རྒྱུན་ལྡན་བཞིན་སློད་ཐུབ་ཀྱང་ཆུ་སྐམས་པའི་ཀླད་པས་སྐུལ་རྒྱུ་དེ་དལ་པོར་སློད་པ་དང་སྐབས་རེ་སློད་རྒྱུ་མཚམས་འཇོག་གི་ཡོད། དེས་རྐྱེན་པའི་གློག་འཁུར་ལྡན་པའི་བུལ་རྫས་སླ་རུ་འགྲོ་བ་དང་། ཕྲ་ཕུང་རྣམས་སྐྲངས་སུ་གཞུག་གི་ཡོད། གནས་སྟངས་རྫ་དྲག་དེ་འདྲའི་སྐབས་ལ་མཁལ་མས་འཕེལ་བཞིན་པའི་གཅིན་པ་སླ་པོ་བཀག་གཉར་མང་པོ་བྱེད་མི་ཐུབ། མ་ཟད་མགོ་ན་བ་དང་སྐྱུག་པ་ལངས་པ། ལྷག་དོན་དུ་བརྒྱལ་བ་དང་གྲོངས་འགྲོ་བའི་གནས་སྟངས་ཀྱང་བྱུང་གི་ཡོད།
ཡིན་ཡང་དེ་ནི་གནས་སྟངས་རྫ་དྲག་ཆེ་སྐབས་རེད། རྒྱུན་ལྡན་གི་འཚོ་བའི་ནང་ལ་ཡིན་ན། གཙང་ཆུ་འཐུང་རྒྱུ་ཡག་པོ་ཡོད་པ་ཚོར་གཟུགས་པོར་ཆུ་སྟངས་འཛིན་གྱི་བྱ་བ་ནི་ལས་སླ་པོ་ངང་བྱེད་ཐུབ། དུས་སྔ་མོ་ཞིག་ནས་སྲོལ་རྒྱུན་གྱི་སློབ་གསོ་བཟང་པོས་ང་ཚོར་ཉིན་རེར་ཆུ་ཕོར་བ་བརྒྱད་རེ་འཐུང་དགོས་པའི་བསླབ་བྱ་གནང་ཡོད།
འཆར་རྩིས་དེ་ལ་འགྱུར་བཅོས་ཅུམ་ཙམ་ཕྱིན་ཡོད། ད་ཆ་སྤྱི་མཐུན་གྱི་བསམ་ཚུལ་ཞིག་ཡོད་པ་ནི་ང་ཚོར་ཆུ་མང་ཉུང་ཇི་ཙམ་འཐུང་དགོས་པ་ནི་འཁོར་གཡུག་དང་སྒེར་གྱི་གཟུགས་པོའི་ལྗིད་ཚད་ལ་ཧ་ཅང་རག་ལས་ཀྱི་ཡོད་པ་དེ་ཡིན།
རྒྱུན་ལྡན་དུ་ཆུ་འཐུང་དགོས་ཚད་གཞི་བུ་དང་བུ་མོ་གཉིས་མི་འདྲ། དེ་ཡང་བུར་ཆུ་ལི་ཌར་ 2.5 ནས་ 3.7 དང་བུ་མོར་ 2 ནས་ 2.7 རེད། རིམ་པ་དེ་ནི་སྒེར་ངོས་ཀྱི་སོ་སོ་འཕྲོད་བསྟེན་ཅན་དང་། ཧུར་པོ་། ལོ་རྒན་པ། ཡང་ན་གཟུགས་པོ་ཚ་བོ་ཆགས་པ་བཅས་ལས་འཕར་ཆག་ཡོང་གི་ཡོད།
ཆུ་ནི་སྐོམ་སེལ་འཕྲོད་ཤོས་དེ་ཡིན་ཡང་དེ་མིན་པའི་བཏུང་བྱའི་རིགས་ངར་རྫས་ཡོད་པའི་འཚིག་ཇའམ་ཇ་སོགས་ཀྱིས་ཀྱང་གཤེར་ཁུའི་ཁ་གསོ་བྱེད་ཐུབ། ད་དུང་བཟའ་མ་ནང་གི་ཆུས་ཀྱང་ལུས་པོར་ཐོབ་པའི་རྒྱུན་ལྡན་གྱི་ཆུའི་རྒྱ་ཆ་ ༥ ལོན་གྱི་ཡོད།
ཤིང་ཏོག་དང་ཚོད་མ་དཔེར་ན་ལུམ་འབྲས་དམར་པོ་དང་ཁི་ར་དེ་བཞིན་ཐེའུ་པད་ཚལ་སོགས་ནི་བརྒྱ་ཆ་ 90% ལས་མང་བ་ཆུས་གྲུབ་ཡོད་པ་དང་། དེ་དག་གིས་ང་ཚོའི་ལུས་པོར་འཚོ་བཅུད་དང་ལྷན་དུ་བརླན་གཤེར་ཡང་མང་པོ་སྤྲོད་ཀྱི་ཡོད།
བཏུང་བྱ་མང་པོ་འཐུང་བ་ལས་རྒྱུན་རིང་བའི་ཕན་ཐོགས་ཀྱང་མང་པོ་ཡོད་ངེས། ཉམས་ཞིབ་རྒྱུད་ཤེས་པ་ལྟར་ན་ལུས་པོའི་ནང་ཆུའི་གནས་བབས་བཟང་བ་ལས་གཟའ་གྲིབ་ཀྱི་གཉེན་ཆུང་བ་ཆགས་ཀྱི་ཡོད་པ་དང་། གཅིན་སྙི་སྟངས་འཛིན་ལ་རོགས་བྱེད་པ། འབྲས་ནད་ཀྱི་རིགས་ཁ་ཤས་ལ་ཕན་ནུས་ལྡན་པའི་ཐོག་ནས་ཉེན་ཚབ་ཆུང་དུ་གཏོང་ཐུབ།
མདོར་ན་ཉིན་ལྟར་ཆུ་ཚད་རན་པོ་ཞིག་འཐུང་བ་ལས་ཁྱེད་ཀྱི་རྒྱུན་ལྡན་གྱི་འཚོ་བའི་ནང་ནང་གི་བསམ་བློ་གཏོང་ཕྱོགས་དང་ལུས་ཀྱི་གཡོ་འགུལ་བཅས་ལ་ལེགས་པའི་འགྱུར་བ་ཆེན་པོ་ཞིག་ཐེབས་པར་གདོན་མི་ཟའོ།
No comments
Post a Comment